काठमाडौँ । राष्ट्रिय स्वतन्त्र पार्टी रास्वपाले प्रत्यक्ष निर्वाचित सांसद नरहेका निर्वाचन क्षेत्रमा समानुपातिकतर्फबाट निर्वाचित सांसदहरूलाई जिम्मेवारी तोक्ने निर्णय गरेको छ । आइतबार पार्टी केन्द्रीय कार्यालयमा बसेको सचिवालय बैठकले यस्तो निर्णय गरेको प्रवक्ता मनिष झाले जानकारी दिए ।

उनका अनुसार प्रत्यक्ष प्रतिनिधित्व नभएका क्षेत्रमा पनि पार्टीको उपस्थिति प्रभावकारी बनाउने उद्देश्यले समानुपातिक सांसदहरूलाई जिम्मेवारी दिने निर्णय गरिएको हो ।

यससँगै, सम्बन्धित जिल्ला र निर्वाचन क्षेत्रसहितको विस्तृत सूची भोलि बस्ने केन्द्रीय समिति बैठकबाट पारित गर्ने तयारी गरिएको छ । सो बैठकमा सचिवालयले गरेका निर्णयहरू अनुमोदन गर्ने कार्यसूची रहेको जनाइएको छ ।