काठमाडौं । मध्यपूर्वको अत्यन्त संवेदनशील जलमार्ग पुनः आफ्नो नियन्त्रणमा आएको दाबी इरानले गरेको छ।

इरानी सरकारी सञ्चारमाध्यमहरूका अनुसार (आईआरजीसी) ले उक्त जलमार्गमा पूर्ण निगरानी र नियन्त्रण पुनः सुरु गरेको घोषणा गरेको हो। आईआरजीसीको विज्ञप्तिलाई उद्धृत गर्दै इरानी समाचार एजेन्सीहरूले क्षेत्र अब ‘सामान्य अवस्थामा फर्किने’ र सुरक्षा व्यवस्था कडा पारिने बताएका छन्।

यसबीच इरानले अमेरिकामाथि समुद्री डकैतीको आरोप लगाउँदै अमेरिकी नाकाबन्दीलाई ‘समुद्री लूट’ को संज्ञा दिएको छ। यसअघि इरानी विदेशमन्त्रीले सामाजिक सञ्जाल ‘एक्स’ मार्फत युद्धविराम अवधिभर उक्त जलमार्गबाट सबै व्यावसायिक जहाजहरूको आवतजावत खुला गरिएको बताएका थिए।

उक्त घोषणापछि अमेरिकी राष्ट्रपति ले ‘ट्रुथ सोसल’ मा इरानलाई धन्यवाद दिएका थिए। उनले होर्मुजमार्ग खुला भएकोप्रति सकारात्मक प्रतिक्रिया जनाएका थिए। तर केही मिनेटमै उनले अर्को सन्देशमार्फत अमेरिकी नाकाबन्दी जारी रहने स्पष्ट पारेपछि स्थिति झन् जटिल बनेको छ।

दुवै देशका परस्पर विरोधाभासी अभिव्यक्तिका कारणको वास्तविक अवस्था अझै स्पष्ट हुन सकेको छैन। इरानले आफ्नो बन्दरगाहमाथिको नाकाबन्दी नहटे जलमार्ग पूर्ण रूपमा बन्द गर्ने चेतावनी दिइरहेको छ। यद्यपि केही जहाजहरू आवतजावत गरिरहेको देखिए पनि कति सुरक्षित रूपमा पार भएका छन् भन्ने यकिन हुन सकेको छैन।

यो खिचातानीले विश्वव्यापी इन्धन आपूर्ति, व्यापार र समुद्री सुरक्षामा गम्भीर असर पर्ने चिन्ता बढाएको छ।