काठमाडौं । सुशीला कार्की ले जननिर्वाचित सरकारलाई सत्ता हस्तान्तरण गर्न पाउँदा आफू सन्तुष्ट रहेको बताएकी छन्।

राष्ट्रको नाममा सम्बोधन गर्दै प्रधानमन्त्री कार्कीले आफ्नो कार्यकालको उद्देश्य पूरा भएको संकेत गर्दै बिदा हुने बेला सन्तुष्टि र आशा दुवै रहेको उल्लेख गरिन्।

‘६ महिनाभित्र निर्वाचन सम्पन्न गरी जननिर्वाचित सरकारलाई जिम्मेवारी हस्तान्तरण गर्ने उद्देश्यले मैले यो भूमिका स्वीकार गरेकी थिएँ,’ उनले भनिन्, ‘अहिले म केही सन्तुष्टि र धेरै आशा बोकेर बिदा हुँदैछु ।’

उनले लोकतान्त्रिक प्रक्रियालाई सुदृढ बनाउन सबै पक्षको सहयोग महत्वपूर्ण रहेको उल्लेख गर्दै आगामी दिनमा जननिर्वाचित सरकारले देशलाई अझ स्थायित्व र समृद्धितर्फ लैजाने विश्वास व्यक्त गरिन्।