बनेपा । नमोबुद्ध नगरपालिका वडा नं. ११ का दर्जनौँ नेपाली काँग्रेसका कार्यकर्ताहरू नेकपा एमालेमा प्रवेश गरेका छन्।

नवप्रवेशीहरूलाई एमालेका केन्द्रीय सदस्य तथा प्रतिनिधि सभा सदस्य काभ्रे क्षेत्र नं. १ का उम्मेदवार अमित लामाले स्वागत गरेका थिए।

एमाले प्रवेश गर्ने नेताहरू पाल्साङ लामा, अभिशेक लामा, वाङगेल लामा, रमेश तामाङ, विकास लामा, पोते लामा, सुनिल तामाङ, आकास तामाङ, सुमन लामा, काने लामा, विश्व लामा, छेडुप लामा, वर्मा लामा, सन्ते लामा, सिद्धीबहादुर लामा, सुरेन्द्र लामा र सुकलाल तामाङ।

घरदैलो कार्यक्रममा सहभागी उम्मेदवार लामाले बौद्धधर्मालम्बीहरूको पवित्र स्थल नमोबुद्ध मन्दिरलाई विश्व सम्पदा सूचीमा सूचीकृत गर्ने पहल गर्ने र नमोबुद्धलाई नेपालकै नमुना पर्यटन क्षेत्रको रूपमा विकास गर्ने योजना अघि बढाउने बताए।