सिन्धुली: हरिहरपुरगढीमा निर्वाचन कार्यालय स्थापना सिन्धुली: नेकपा एमाले हरिहरपुरगढी पालिका कमिटीको बैठकले ५०३१ सदस्यीय निर्वाचन परिचालन कमिटी गठन गरेको छ ।

सिन्धुली क्षेत्र नं २ निर्वाचन परिचालन कमिटीका संयोजक एबम् एमाले केन्द्रीय सदस्य निरू दर्लामीको अध्यक्षतामा बसेको बैठकले कमल जंग राईको नेतृत्वमा ठूलो संख्यामा निर्वाचन परिचालन कमिटी गठन गरिएको हो । पालिका अध्यक्ष मान बहादुर वाइबाका अनुसार निर्वाचन लाई व्यवस्थित गर्न हरिहरपुर गढीका सबै वडा कार्यालयमा प्रचार प्रसार कार्यालय स्थापना गरिने छ । बैठकलाई सम्बोधन गर्दै नेता निरू दर्लामीले निर्वाचन लाई केन्द्रित गरेर पार्टीका कामहरू अगाडि बढाउन निर्देशित दिइन् ।

क्षेत्र नं २ का उम्मेदवार मनोज जंग थापाले हरीहरपुर गढी क्षेत्रको बृहत्तर विकास र समृद्धिको लागि आफ्नो सक्रियता रहने बताए । उनले गौरवमय इतिहास बोकेको हरिहरपुर गढीको पुननिर्माणका लागि आफूले डिपिआर बनाएको र त्यसलाई कार्यान्वयनमा लैजान लागि पर्ने बताए ।