२०८३, १ मंसिर मंगलबार

फास्ट ट्र्याकको भौतिक प्रगति ४५ प्रतिशत, तोकिएकै समयमा सम्पन्न हुने सेनाको दाबी

फास्ट ट्र्याकको भौतिक प्रगति ४५ प्रतिशत, तोकिएकै समयमा सम्पन्न हुने सेनाको दाबी


काठमाडौं । संघीय राजधानी काठमाडौंलाई मधेशसँग जोड्ने काठमाडौं–तराई फास्ट ट्र्याक तोकिएकै समयसीमाभित्र सम्पन्न गर्ने गरी काम भइरहेको नेपाली सेनाले जनाएको छ।

सैनिक प्रवक्ता तथा सहायक रथी राजाराम बस्नेतले नेपाल सरकारबाट प्राप्त २०८३ चैत मसान्तको समयसीमाभित्र आयोजना सम्पन्न गर्ने लक्ष्यअनुसार काम तीव्र रूपमा अघि बढिरहेको बताए।
उनले भने, “हामीलाई २०८३ चैत मसान्तसम्म फास्ट ट्र्याक सम्पन्न गर्ने जिम्मेवारी दिइएको छ। सोही समयसीमाभित्र सक्ने गरी काम भइरहेको छ।”

हालसम्म फास्ट ट्र्याकको भौतिक प्रगति ४५.१६ प्रतिशत पुगेको छ भने वित्तीय प्रगति ४५.३३ प्रतिशत रहेको सेनाले जनाएको छ।

फास्ट ट्र्याकमा कुल १०.९७९ किलोमिटर सुरुङ मार्ग निर्माण हुनुपर्नेछ। जसमध्ये लेनडाँडाको १.६२६ किलोमिटर र धेद्रेको १.६९१ किलोमिटर सुरुङको ‘ब्रेक–थ्रु’ सम्पन्न भइसकेको छ। महादेवटार सुरुङमार्गको करिब ७० प्रतिशत काम पूरा भएको छ।

यस आयोजनाअन्तर्गत निर्माण गर्नुपर्ने ८९ वटा पुलमध्ये १३ वटा पुल निर्माण सम्पन्न भइसकेका छन् भने ८५ वटाको ठेक्का सम्झौता भएर निर्माण कार्य सुरु भइसकेको सहायक रथी बस्नेतले जानकारी दिए।

फास्ट ट्र्याक निर्माणका क्रममा ५४ हजार रुख कटान गरिएको थियो। त्यसको क्षतिपूर्तिस्वरूप हालसम्म ७ लाख ५० हजार नयाँ बिरुवा रोपिएको र तीमध्ये १ लाख ५१ हजार बिरुवा हुर्काएर सामुदायिक वनलाई हस्तान्तरण गरिएको सेनाले जनाएको छ।

यसैबीच, फास्ट ट्र्याकसँग सम्बन्धित खोकना क्षेत्रको विवाद भने अझै समाधान हुन सकेको छैन। सबै सम्बन्धित निकायसँग समन्वय गरी विवाद समाधान गर्ने प्रयास भइरहेको सेनाले जनाएको छ।

प्रकाशित मिति : २०८२, १७ माघ शुक्रबार  ४ : ४४ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा