तेह्रथुम । नेकपा (एमाले) अध्यक्ष एवं पूर्वप्रधानमन्त्री केपी शर्मा ओलीको आठराई गाउँपालिका–इवा, तेह्रथुममा अवस्थित जन्मघरको पुनर्निर्माण कार्य अन्तिम चरणमा पुगेको छ।

एमाले केन्द्रीय सदस्य तथा राष्ट्रिय युवा संघ नेपालका अध्यक्ष छितिज थेवेद्धराले जन्मघर पुनर्निर्माण अन्तिम चरणमा पुगेको जानकारी दिनुभएको हो। उहाँका अनुसार ऐतिहासिक महत्व बोकेको उक्त घरलाई मौलिक स्वरूप जोगाउँदै पुनर्निर्माण गरिएको छ र चाँडै नै औपचारिक रूपमा सम्पन्न गरिने तयारी भइरहेको छ।

पुनर्निर्माण सम्पन्न भएसँगै ओलीको जन्मघरलाई राजनीतिक तथा ऐतिहासिक सम्पदाका रूपमा संरक्षण गर्दै अध्ययन, अवलोकन र स्मृतिस्थलका रूपमा विकास गर्ने योजना रहेको बताइएको छ।