२०८३, २ मंसिर बुधबार

एडीबीले नेपाललाई १४ अर्ब ५९ करोड रुपैयाँ सहुलियतपूर्ण ऋण दिने

एडीबीले नेपाललाई १४ अर्ब ५९ करोड रुपैयाँ सहुलियतपूर्ण ऋण दिने


काठमाडौं। एसियाली विकास बैंक (एडीबी) ले नेपाललाई सार्वजनिक वित्त व्यवस्थापन सुदृढीकरणका लागि १० करोड अमेरिकी डलर (करिब १४ अर्ब ५९ करोड ५० लाख रुपैयाँ) बराबरको सहुलियतपूर्ण ऋण उपलब्ध गराउने भएको छ।

यससम्बन्धी ऋण सम्झौतामा सोमबार अर्थ मन्त्रालयमा आयोजित कार्यक्रममा अर्थ सचिव डा. घनश्याम उपाध्याय र एडीबीको नेपालस्थित आवासीय नियोगका निर्देशक आनो कुश्वाले हस्ताक्षर गरेका छन्। अर्थ मन्त्रालयका अनुसार उक्त सहायता नीतिमा आधारित ऋणका रूपमा प्रदान गरिएको हो।

ऋणको ग्रेस अवधि ८ वर्ष र कुल भुक्तानी अवधि २४ वर्ष रहनेछ। सन् २०३४ फेब्रुअरी १ सम्म ग्रेस अवधि रहने यस ऋणमा ग्रेस अवधिसम्म ब्याजदर १ प्रतिशत र त्यसपछि १.५ प्रतिशत कायम रहनेछ।

कार्यक्रममा अर्थ मन्त्रालयका सहसचिव डा. धनीराम शर्माले यो कार्यक्रमले नेपालको खर्च तथा वित्तीय व्यवस्थापन सुधार, बजेट निर्माण र कार्यान्वयन प्रभावकारी बनाउने तथा अन्तरसरकारी स्रोत व्यवस्थापनलाई मजबुत बनाउने उद्देश्य राखेको बताए।

एडीबीका निर्देशक कुश्वा र अर्थ सचिव उपाध्यायले नेपाल–एडीबी सहकार्यलाई आगामी दिनमा अझ प्रभावकारी ढंगले अघि बढाउने प्रतिबद्धता व्यक्त गरे।

अर्थ मन्त्रालयका प्रवक्ता टंकप्रसाद पाण्डेयका अनुसार यस ऋण सहयोगले सार्वजनिक स्रोतको प्रभावकारी उपयोग, वित्तीय अनुशासन कायम, बजेट तथा खर्च व्यवस्थापन सुधार, स्थानीय सरकारको सबलीकरण र समग्र विकास परिणामलाई नतिजामुखी बनाउन सहयोग पुग्ने अपेक्षा गरिएको छ।

प्रकाशित मिति : २०८२, २ पुस बुधबार  २ : ३५ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा