काठमाडौं। नेकपा एमालेको आसन्न ११औँ राष्ट्रिय महाधिवेशनका लागि प्रेस चौतारी नेपालले प्रतिनिधि सर्वसम्मत रूपमा चयन गरेको छ। शनिबार प्रेस चौतारी इञ्चार्ज राजेन्द्र गौतमको प्रमुख आतिथ्यतामा बसेको बैठकले पाँच जनालाई महाधिवेशन प्रतिनिधि बनाउने निर्णय गरेको हो।

संगठनका अध्यक्ष गणेश पाण्डे र चौतारीले पूर्व अध्यक्षद्वय राजेन्द्र अर्याल र गणेश बस्नेतलाई प्रतिनिधि बनाउने निर्णय गरेको छ। त्यस्तै, महिलातर्फ सचिवालय सदस्य प्रतिमा शिलवाल र मिना विश्वकर्मालाई प्रतिनिधि चयन गरिएको छ।

बैठकले सर्वसम्मत निर्णयलाई संगठनभित्रको सहमति र समन्वयको उदाहरणका रूपमा लिएको छ। चौतारीका महासचिव हिरामान लामाका अनुसार यस्तो एकमतले महाधिवेशनका तयारी प्रक्रियामा संगठनात्मक एकता र साझा प्रतिबद्धतालाई थप मजबुत बनाउने विश्वास व्यक्त गरिएको छ।