काठमाडौँ । सिद्धार्थ बैंक नेपाल प्रिमियर लिग (एनपीएल) सिजन–२ को उद्घाटन खेलमा काठमान्डु गोर्खाजले टस जितेर पहिला फिल्डिङ गर्ने निर्णय गरेको छ। टस जितेसँगै गोर्खाजले बलिङबाट खेलको सुरुवात गर्ने भएपछि डिफेन्डिङ च्याम्पियन जनकपुर बोल्ट्सले ब्याटिङ गर्दै रन बनाउने लक्ष्य राख्नेछन्।

टीयू क्रिकेट मैदानमा निर्माण सम्पन्न भएको फ्लडलाइट र प्यारापिटयुक्त नवनिर्मित रंगशालामा केहीबेरमै खेल सुरु हुँदैछ। आधुनिक सुविधासहित पुनःनिर्माण गरिएको यस मैदानमा भइरहेको उद्घाटन खेलप्रति खेलप्रेमीहरूमा विशेष उत्साह देखिएको छ।

एनपीएलको दोस्रो सिजनको सुरुवातसँगै टिमहरूबीचको प्रतिस्पर्धा तिव्र बन्ने अपेक्षा गरिएको छ। जनकपुर बोल्ट्स शीर्ष स्थान बचाउने लक्ष्यमा छन् भने काठमान्डु गोर्खाज राम्रो प्रदर्शनसहित प्रतियोगितामा बलियो उपस्थिति जनाउन चाहन्छ।