काठमाडौं । नेपाल विद्युत प्राधिकरणले स्युटाचार टेकु १३२ केभी लाइनको बुसबार कनेक्सनका लागि आज बिहान ७ बजेदेखि १० बजेसम्म काठमाडौं उपत्यकाका केही क्षेत्रमा विद्युत आपूर्ति बन्द हुने जनाएको छ।
प्राधिकरणका अनुसार रत्नपार्क, कुलेश्वर र पुल्चोक वितरण केन्द्रअन्तर्गत पर्ने कालीमाटी, क्षेत्रपाटी, भीमसेनस्थान, मिन्ट, त्रिपुरेश्वर, थापाथली, टेकु, न्युरोड, भोटेबहाल, खिचापोखरी, चमती, ताहचल, कुलेश्वर, पुल्चोक, बागमती, भैसेपाटी, रिङरोड र सानेपा क्षेत्रमा आपूर्ति बन्द हुनेछ।
प्राधिकरणले नागरिकहरूलाई असुविधा हुन सक्ने भएकाले सावधानी अपनाउन अनुरोध गरेको छ।
प्रतिक्रिया