काठमाडौं । नेकपा महासचिव नेत्रविक्रम चन्द *‘विप्लव’*लाई भेट्न माओवादी केन्द्रका महासचिव जनार्दन शर्मा र नेकपा (एकीकृत समाजवादी) का महासचिव घनश्याम भुषाल शुक्रबार बिहान हरिसिद्धीस्थित विप्लव निवास पुगेका छन्। तीनै नेताबीच पछिल्लो राजनीतिक परिस्थिति, कम्युनिस्ट आन्दोलनको वर्तमान दिशा र आगामी सहकार्यका सम्भावनाबारे विस्तृत रूपमा छलफल भएको स्रोतले जनाएको छ।
स्रोतका अनुसार, भेटलाई केवल औपचारिक सद्भाव आदान–प्रदानका रूपमा होइन, आगामी दिनमा वैकल्पिक कम्युनिस्ट धार निर्माणका सम्भावनासँग पनि जोडेर हेरिएको छ। कम्युनिस्ट शक्तिहरूबीच एकताको सम्भावना सुस्त हुँदै गएको समयमा भएको यो भेटलाई राजनीतिक वृत्तले अर्थपूर्ण संकेतका रूपमा व्याख्या गरेको छ।
प्रतिक्रिया