काभ्रेपलाञ्चोक । काभ्रेपलाञ्चोकको रोशी गाउँपालिका-८ चारसयबेशी र रोशी-१२ माम्ती क्षेत्रमा सुख्खा पहिरो खसेपछि बिपी राजमार्ग तिन दिनदेखि अवरुद्ध भएको छ।
इलाका प्रहरी कार्यालय मंगलटारका प्रमुख प्रहरी निरीक्षक ईश्वर कार्कीका अनुसार सडक माथिबाट निरन्तर सुख्खा पहिरो खसेकोले यातायात सञ्चालनमा रोक लगाइएको छ। अवरुद्ध सडक सुचारु गर्न अहिले डाइभर्सन निर्माण कार्य भइरहेको छ।
बिहीबारदेखि परेको अविरल वर्षाका कारण चौकीडाँडा, डालाबेशी, नार्के, चारसयबेशी र घुमाउने लगायतका स्थानहरूमा ढुंगा र लेदो सहितको पहिरो खसेर राजमार्गका विभिन्न भाग अवरुद्ध भएका थिए।
प्रतिक्रिया