काठमाडौं । गृहमन्त्री ओमप्रकाश अर्यालले तत्कालीन ऊर्जामन्त्री दीपक खड्का देशबाट भागेको दाबी गरेका छन्। उनले भनेका छन् कि सरकारले ठूला नेताहरूको सम्पत्ति छानबिन सुरु गरेपछि खड्का भागिसकेको र अन्य पनि भाग्ने प्रयासमा रहेको छ।

अर्यालले पत्रकारहरूसँगको अन्तरवार्तामा भने, “अहिले हामीले सम्पत्ति शुद्धीकरण अनुसन्धान विभागलाई पूर्ण रूपमा सक्रिय बनाइरहेका छौँ। कसैको भागाभागसमेत भएको छ। तत्कालीन ऊर्जामन्त्री भागिसके। अरू पनि भाग्न खोज्दै छन्।”

तर, पूर्व ऊर्जामन्त्री खड्काले भने आफू भागेको नभएको पुष्टि गर्दै पत्रकारहरूसँगको संवाद आफ्नो बुढानीलकण्ठस्थित जलेको घरबाटै गरेका छन्। उनका अनुसार, उक्त घरमा प्रदर्शनकारीहरूले आगजनी गरेका थिए। खड्काले देशको पछिल्लो अवस्था र भदौ २३-२४ गतेको घटनाबारे पनि आफ्नो दृष्टिकोण राखेका छन्।

यो विषय अहिले राष्ट्रिय चर्चा र राजनीतिक संवेदनशीलताको केन्द्रबिन्दुमा रहेको छ। नागरिक समाज र विभिन्न राजनीतिक विश्लेषकहरूले दुवै पक्षको दाबीलाई लिएर अलग-अलग प्रतिक्रिया दिएका छन्।