काठमाडौं । राष्ट्रिय सभाको निर्वाचन आगामी माघ ११ गते गर्ने तयारी भइरहेको छ। अध्यक्ष नारायणप्रसाद दाहाल र प्रधानमन्त्री सुशीला कार्कीले निर्वाचन आयोगका आयुक्तहरूसँग छलफल गरी योजना तयार पारेका छन्।
आगामी फागुन २० मा १९ जना सदस्यहरूको कार्यकाल सकिँदैछ। १८ पदका लागि निर्वाचन हुने छ भने एक पद राष्ट्रपतिद्वारा मनोनीत सदस्यको रिक्त हुनेछ। स्थानीय तहका प्रमुख, उपप्रमुख र प्रदेशसभा सदस्यहरूले मतदान गर्ने व्यवस्था छ।
अध्यक्ष दाहालले सात प्रदेशमा निर्वाचन सहज र समयमै सम्पन्न हुने विश्वास व्यक्त गरेका छन्। यसबाट राजनीतिक स्थिरता कायम राख्न मद्दत पुग्ने अपेक्षा गरिएको छ।
प्रतिक्रिया