२०८३, ३० कार्तिक सोमबार

बीपी राजमार्गमा बाढीले बगाएको डाइभर्सन पुनः निर्माण थालियो

बीपी राजमार्गमा बाढीले बगाएको डाइभर्सन पुनः निर्माण थालियो


काभ्रेपलाञ्चोक । असोज १८ र १९ गतेको वर्षापछि रोशी खोलामा आएको बाढीले बगाएको बीपी राजमार्गको डाइभर्सन पुनः निर्माण कार्य सुरु भएको छ।

रोशी गाउँपालिका अध्यक्ष दिनेश लामाका अनुसार नमोबुद्ध र रोशी गाउँपालिकाको सिमानास्थल चौकीडाँडाबाट डाइभर्सन बनाउन थालिएको हो। खोलाको बहाव केही कम भएपछि काम सुरु गरिएको उनले बताए।

सडक डिभिजन कार्यालय भक्तपुरकी सूचना अधिकारी बिन्दु अधिकारीले रोशी गाउँपालिका र नमोबुद्ध नगरपालिकाको समन्वयमा डाइभर्सन पुनः निर्माण कार्य अघि बढाइएको जानकारी दिइन्। ‘चौकीडाँडाको एउटै स्थान मात्र नभई ३–४ स्थानबाट डाइभर्सन बनाउन योजना बनाइएका छन्,’ अधिकारीले बताइन्। उनका अनुसार पानीको धार भित्तासम्म टाँसिएको र सडक खोलाको किनारै किनार लैजानुपर्ने भएकाले निर्माणमा चुनौती रहेका छन्। यसअघि सरोकारवालाबीच बीपी राजमार्ग चाँडोभन्दा चाँडो सञ्चालन गर्ने र आवश्यक पुल निर्माणका लागि पहल गर्ने सहमति पनि भएको छ।

गत वर्ष असोजमा आएको बाढीले बगाएपछि अस्थायी रूपमा बनाइएको डाइभर्सन यस वर्ष पुनः बाढीले बगाएपछि हाल बीपी राजमार्ग पूर्ण रूपमा अवरुद्ध छ।

प्रकाशित मिति : २०८२, २० आश्विन सोमबार  ४ : ३० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा