काठमाडौं । प्रधानमन्त्री अध्यक्षतामा राष्ट्रिय सुरक्षा परिषद्को बैठक सिंहदरबारमा शुरु भएको छ ।

यो बैठक बेलुकी ६ बजे बस्न लागेको मन्त्रिपरिषद्को बैठकअघि हुनुले यसको महत्त्वलाई अझ बढाएको छ। तर, प्रधानमन्त्रीको सचिवालयले बैठकको तालिका आइतबार नै तय गरिएको जनाएको छ । बैठकमा राजधानी काठमाडौंसहित देशका प्रमुख सहरहरूमा जेन जी आन्दोलनका क्रममा भएका विभिन्न घटना र त्यसले निम्त्याएको सुरक्षा चुनौतीहरूलाई समेटेर छलफल भइरहेको छ। बैठकका सहभागी एक मन्त्रीले नेपाल प्रेसलाई यस विषयमा जानकारी दिएका छन् ।

यस राष्ट्रिय सुरक्षा परिषद् बैठकमा रक्षामन्त्री मानवीर राई, गृह मन्त्री रमेश लेखक, परराष्ट्रमन्त्री डा. आरजु राणा, र प्रधानसेनापति प्रभुराम शर्मा पनि सहभागी छन् । बैठक सुरु भएको करिब एक घण्टा भइसकेको छ।