काठमाडौं । नेकपा एमालेको दोस्रो विधान महाधिवेशनमा गैर-भौगोलिक समूहका प्रतिनिधि भक्त गुरुङले अध्यक्ष केपी शर्मा ओलीको नेतृत्वमा निर्विकल्प सहमति रहेको स्पष्ट पारेका छन् ।

महाधिवेशनका सातै प्रदेश र तीन गैर-भौगोलिक समूहका नेताहरूले ओली नेतृत्वको विकल्प नभएको दृढतापूर्वक प्रतिवेदनमार्फत जनाएका छन्। यसले पार्टीभित्र कुनै पनि समूह ओलीको नेतृत्वलाई चुनौती दिन असमर्थ रहेको स्पष्ट संकेत दिएको छ । एमालेको नेतृत्वमा दुई कार्यकाल र उमेर हद हटाउने प्रस्तावलाई पनि अधिकांशले समर्थन गरेको पाइएको छ, जसले ओलीलाई अझ सशक्त रूपमा अघि बढ्ने बाटो खोलिदिएको छ ।

भक्त गुरुङले स्पष्ट पारे, “अब एमालेको नेतृत्वमा ओलीभन्दा माथि उठ्न सक्ने कोही छैन । ओली नेतृत्वकै विकल्प छैन।” यसले ओलीको नेतृत्वमा पार्टीभित्र कुनै प्रकारको अस्थिरता आउन नदिने स्पष्ट सन्देश दिएको छ । पार्टी एकताबिना अघि बढ्ने सबै प्रयासहरू असफल हुने अवस्था बनेको छ र आगामी महाधिवेशनले ओली नेतृत्वको दिगोपना सुनिश्चित गर्नेछ, शिव अधिकारी र चुडामणि जंगलीले पनि यसमा जोड दिएका छन् ।

यो समय एमालेभित्र आलोचनात्मक विवादभन्दा बढी एकात्मक नेतृत्वलाई जोड दिनुपर्ने बेला आएको पार्टीभित्रै प्रष्ट देखिएको छ ।