काठमाडौं । नेपाल सरकारले राष्ट्रिय आर्टिफिसियल इन्टेलिजेन्स (एआई) नीति, २०८१ पारित गर्दै देशमा एआई विकास र प्रयोगलाई संस्थागत गर्ने महत्वपूर्ण कदम चालेको छ।

गत साउन २६ गतेको मन्त्रिपरिषद बैठकले पारित गरेको यस नीतिले शिक्षा, स्वास्थ्य, कृषि, पर्यटन, ऊर्जा र सार्वजनिक सेवा लगायतका क्षेत्रमा एआई प्रविधिको प्रयोगलाई प्राथमिकता दिएको छ ।

नीतिमा डाटा सुरक्षा, नैतिक प्रयोग, उच्च क्षमताका कम्प्युटिङ पूर्वाधार निर्माण र मानव संसाधन विकास जस्ता विषय समेटिएका छन् । साथै, छोटो, मध्यम र दीर्घकालीन योजना बनाई राष्ट्रिय एआई केन्द्र र एआई परिषद गठन गर्ने तयारी गरिएको छ ।

सरकारको यो निर्णयले नेपालमा एआई प्रविधिको दिगो, सुरक्षित र समावेशी विकास गर्न मार्ग प्रशस्त गरेको विश्लेषण गरिँदैछ ।