ललितपुर । नेकपा (एमाले) अध्यक्ष एवं पूर्व प्रधानमन्त्री केपी शर्मा ओलीले पार्टीसँग सम्बद्ध प्रतिष्ठान र संस्थाहरू व्यक्तिगत स्वार्थका लागि प्रयोग हुनु नहुने बताएका छन्।

मदन–आश्रित स्मृति प्रतिष्ठानको नवनिर्वाचित अध्यक्ष प्रदीपकुमार ज्ञवालीको सपथ ग्रहण कार्यक्रममा बोल्दै ओलीले यस्ता संस्थाहरू पार्टी आन्दोलन र विचारधाराप्रति निष्ठावान हुनुपर्ने बताए। उनले मदन भण्डारी फाउण्डेशनप्रति असन्तुष्टि जनाउँदै, केही संस्थाहरू आन्दोलनप्रति निष्ठाहीन बन्दै गएको आरोप लगाए।

अध्यक्ष ओलीले प्रतिष्ठानले सामाजिक अध्ययन, व्यक्तित्व विकास, अनुशासन र चेतनामा योगदान गर्नुपर्नेमा पनि जोड दिए। प्रदीप नेपालको निधनपछि ज्ञवाली प्रतिष्ठानको नयाँ अध्यक्ष बनेका हुन्।