काठमाडौं । रसुवामा बाटो अवरुद्ध हुँदा राहत र उद्धारमा कठिनाइ भएको छ । गोसाइँकुण्ड गाउँपालिकाका अध्यक्ष कैसाङ नुर्पु तामाङका अनुसार बाढी र पहिरोले मोटरबाटो अवरुद्ध हुँदा उद्धार र राहत कार्यमा कठिनाइ भएको हो ।

आज बिहान करिब तीन बजेदेखि आएको बाढी र पहिरोले ठूलो क्षति पुर्याएको छ। चीनको तिब्बत क्षेत्रबाट बग्ने लेन्दी खोलामा उर्लिएको बाढीका कारण टिमुरे र रसुवागढी क्षेत्रमा बढी क्षति पुगेको छ । बाढीले बाढीले नेपाल–चीन जोड्ने मितेरी पुल पनि पूर्णरूपमा बगाएको गाउँपालिका अध्यक्ष तामाङले बताउनु भयो ।

बाढीले ड्राइपोर्टमा राखिएका इलेक्ट्रिक गाडीहरू बगाएको र १५ जना हराइरहेका छन् । जसमध्ये तीन जना नेपाल प्रहरी र केही चिनियाँ नागरिक छन् । हालसम्म ९ जनालाई उद्धार गरिएको छ, तर प्रतिकूल मौसमले उद्धार कार्यलाई जटिल बनाएको छ ।