ललितपुरः नेकपा एमाले वागमती प्रदेश कमिटीले प्रदेश स्तरिय सम्मृद्धिको योजना निर्माणका लागि कार्यशालाको आयोजना गरेको छ ।
आज शनिवार पार्टी मूख्यालय च्यासलमा बागमती प्रदेशको सम्बृद्धिका लागि एमालेद्धारा गठित कार्यदलद्धारा आयोजना गरिएको कार्यशाला एमाले प्रदेश कमिटी अध्यक्ष कैलाश ढुंगेलको अध्यक्षता र इन्चार्ज डा. राजन भट्टराईको प्रमुख आतिथ्यतामा सम्पन्न भएको छ ।
कार्यशालालाई सम्बोधनगर्दै डा. भट्टराईले प्रदेश मातहत रहेका जिल्लाहरुबाट सम्बृद्धिका लागि स्पष्ट योजनाहरु निर्माण गराउन सहयोग पुगोस् भन्ने उदेश्यले कार्यशालाको आयोजना गरिएको बताउनुभयो ।
कार्यक्रममा बुद्धिजीबि परिषदका अध्यक्ष एवम् बागमती प्रदेशसभा सदस्य दिनेश चन्द्र देवकोटाले आफ्‌नो भनाई राख्नु भएको थियो । पार्टी उपसचिव एवम् प्रचार तथा प्रकाशन विभाग प्रमुख भक्तकुमारी लामाले नेकपा एमालेले अगाडि सारेको विकास र सम्मृद्धिको योजनालाई सफल बनाउन जिल्ला तहमा दिर्धकालिन विकासका मोडेलहरुलाई छनोटगरी अगाडि बढाउन सजिलो होस् भन्ने उदेश्यले कार्यशालाको आयोजना गरिएको जानकारी दिनुभयो । उहाँका अनुसार सो कार्यक्रममा बागमती प्रदेश अर्न्तगत १३ जिल्लाका ५० जना भन्दा बढी नेताहरुको सहभागिता रहेको थियो ।
कार्यशालामा सहभागी नेताहरुले आफ्‌नो जिल्लाको विकास र सम्मृद्धिको खाका तयार गर्ने बताइएको छ ।