सिन्धुली: मानव कल्याण समाज सिन्धुलीले जाडो बढ्दै गएपछि अभिभावक बिहिन वालवालिकाहरुलाई न्यानो कपडा बितरण गरेको छ ।
मानव कल्याण समाज सिन्धुलीका अध्यक्ष गोविन्द थापाको नेतृत्वमा रहेको टोलीले आज कमलामाई नगरपालिका वडा नं.५ सिलामे स्थित कमला जनज्योति माध्यमिक विद्यालयमा रहेका ३४ जना अभिभावक बिहिन वालवालिकाहरुलाई मानवीय सेवामा संलग्न विभिन्न व्यक्तिहरुको आर्थिक सहयोगमा न्यायो कपडा बितरण गरेको मानव कल्याण समाज सिन्धुलीका सह सचिव रेजिना श्रेष्ठले जानकारी दिनुभयो ।
विद्यालयमा आश्रित वालवालिकाहरुलाई मानव कल्याण समाज सिन्धुलीका साथीहरुले न्यानो कपडा बितरण गर्ने प्रस्ताव राख्नु भएपछि हामीले त्यसलाई सहजै स्वीकार गर्‍यौं, विद्यालयका शिक्षक कृष्णहरी घिमिरेले बताउनुभयो ।
सिन्धुलीको कमलामाई नगरपालिकामै पहिलो पटक अभिभावक बिहिन वालवालिकालाई लक्षित गरेर तत्कालिन नगरप्रमुख खड्गवहादुर खत्रीले आवासिय विद्यालय सञ्चालन गराउनु भएको थियो । अहिले विद्यालयमैं बसेर अध्ययन अध्यापन गराउने सिलामे नगरकै पहिलो विद्यालय मानिएको छ ।