काठमाडौं: नेकपा एमाले वागमती प्रदेशद्धारा राजधानीको भृकुटी मण्डपमा आयोजित जागरणभामा सहभागी हुनका लागि आसपासका जिल्लाबाट ठूलो संख्यामा नेता कार्यकर्ताहरु जिल्ला जिल्लाबाट हिंडेका छन् ।
सिन्धुली रामेछाप, काभ्रे, मकवानपुर र चितवनबाट एमाले कार्यकर्ताहरु लिएर सवारी साधानहरु काठमाडौका लागि हिंडेको छ । बिहान ११ बजे भद्रकाली, बागबजारलगायतका क्षेत्रबाट एकै साथ जुलुस प्रदर्शन हुने आयोजकले जनाएका छन् ।

अहिले मुलुकमा अस्थिरता मच्चाएर आफ्नो स्वार्थ पुरा गराउन देशी विदेशी शक्तिहरुको आडमा सडकमा आउने काम भइरहेको छ । कानूनलाई भिडले गाइडेड गर्न खोजिँदैछ । सडकबाटै एमाले विरुद्ध अफवाह फैलाउने काम भइरहेको छ, ’नेकपा एमाले बागमतीकी प्रचार विभाग प्रमुख भक्त कुमारी लामाले .भनिन्ः एमाले विरुद्ध र समृद्धिको यात्रामा अवरोध हुनेगरी सिर्जना गरिएको अराजकता तोड्न सडकमा आउनु परेको हो । लामाका अनुसार आजको कार्यक्रमको सम्पूर्ण तयारी पुरा भइसकेको छ ।