सिन्धुलीः तीनपाटन गाउँपालिका वडा नम्बर ५ खपाङ्गीटार निवासी १९ वर्षिया किशोरी सुनिता तामाङले आज आफ्नै घरमा नागरिकता प्राप्त गरेकी छन् ।
सुनितालाई आज तीनपाटन गाउँपालिका ५ का वडाध्यक्ष भुपालसिं तामाङले हिंडडुल गर्न नसक्ने अबस्थामा रहेकी सुनितालाई घरमैं पुगेर नेपाली नागरिकता प्रदान गर्नुभएको हो ।
२०६२ सालमा जन्मिएकी सुनिता ६ महिनापछि अपाङ भइन् कि भन्ने शंका लागेको थियो, नभन्दै त्यस्तै भयो, सुनिताकी बुबा चेतवहादुर तामाङले बताए । मेरी छोरीले घरमै नेपाली नागरिकता पाउँछिन् भन्ने लागेको थिएन, तर वडाध्यक्षको सहयोगका कारणले अहिले घरमैं नागरिकता प्राप्तभयो, उनले खुशीहुँदै भने ।
सहायक प्रमुख जिल्ला अधिकारी कृष्णमणी फूयाँलको सहयोगी भूमिकाका कारण तीनपाटन गाउँपालिकामै पहिलो पटक घरमै नागरिकता प्राप्त गर्ने सुनिता पहिलो अपाङ्ग किशोरी भएको वडाध्यक्ष तामाङले बताए । जिल्ला प्रशासन कार्यालय सिन्धुलीबाट अकिृत प्रवीण कटुवालले सो कार्यका लागि खटिएका थिए ।