काठमाडौं । काठमाडौं उपत्यकामा भूकम्पको धक्का महसुस भएको छ । आज बिहान करिब ६ः१५ मा उपत्यकामा भूकम्पको धक्का महसुस भएको हो । सिन्धुपाल्चोकको शिखरपुर आसपास केन्द्रबिन्दु भएर ४ दशमलव २ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रका वरिष्ठ भूकम्पविद् डा.लोकविजय अधिकारीले जानकारी दिएका छन् ।
यो भूकम्पको धक्का काठमाडौँ उपत्यकासहित आसपासका जिल्लामा पनि महसुस गरिएको छ । यो ०७२ साल वैशाख १२ गते गोरखाको बारपाक केन्द्रबिन्दु भएर गएको शक्तिशाली भूकम्पकै परकम्प भएको जानकारी दिंदै अधिकारीले भने, ‘यो सानो खाले भूकम्प हो ।’ गोरखा भूकम्पपछि हजारौँ परकम्प गइसकेका छन् ।
प्रतिक्रिया