काठमाडौं । पूर्व उपराष्ट्रपति नन्दबहादुर पुन पासाङको घरमा नेपाल कम्युनिष्ट पार्टी बहुमत का कार्यकर्ताले कालो ब्यानर राखेका छन् । 

चन्द्रागिरि नगरपालिकाको दहचोक स्थित पुनको घरमा शनिबार कालो ब्यानर राखिएको हो । भ्रष्टाचार विरुद्ध जनएकता अभियान लेखिएको ब्यानरमा जनयुद्धको फौजी कमाण्डर र देशको उपराष्ट्रपति बनेका व्यक्तिको सुविधा सम्पन्न बङ्गला निर्माण गर्ने श्रोत के हो रु भनि प्रश्न सोधिएको छ । पुन माओवादीको जनमुक्ति सेनाका पूर्वकमाण्डर समेत हुनुहुन्छ ।  

ब्यानरमा ४६ यताका देशका राष्ट्र प्रमुख तथा सरकार प्रमुख लगायत उच्चपदस्थ व्यक्तिको सम्पत्ति छानबिन गर्न माग गरिएको छ ।  सो पार्टीले आजै झापाको बिर्तामोडमा रहेको गिरिबन्धु टी स्टेटको जमिन राष्ट्रियकरण गर्न माग गरेर प्रदर्शन गरेको थियो ।