काठमाडौं । नेकपा एमाले तेमाल – काठमाडौ सम्पर्क मञ्चको अधिवेशन भदौ १५ गते गर्ने भएको छ । आज ( शुक्रबार) काठमाडौंको बागबजारमा बसेको तयारी बैठकले भदौ १५ गते शनिबार गर्ने तयारी गरको हो ।

काठमाडौंको बागबजारमा रहेको हार्दिक होटलमा नेकपा एमाले तेमाल – काठमाडौं सम्पर्क मञ्चको तेस्रो अधिवेशन गर्ने तयारी गरेको मञ्चका अध्यक्ष जगत तामाङले जानकारी दिनुभयो । अध्यक्ष तामाङका अनुसार बैठकले अधिवेशन सम्पन्न गर्नका लागि विभिन्न जिम्मेवारी तोकिएको छ ।

उहाँका अनुसार समग्र अधिवेशनको जिम्मेवारी अध्यक्ष जगत तामाङ लगायत सम्पर्क मञ्चका पदाधिकारी एवं सदस्यहरुलाई तोकिएको छ । तेपाल गाउँपालिकाभित्र रहेका पार्टीका सबै कमिटी र जनसंगठनका पदाधिकारीलाई परिचालन तथा समन्वय गर्न नेकपा एमाले तेमाल गाउँपालिका पार्टी कमिटीका कार्यवाहक अध्यक्ष सिंगबहादुर दोङ लाई जिम्मेवारी दिएको छ ।

अधिवेशनको सन्दर्भलाई लिएर भदौ १० गते काठमाडौंमा तयारी बैठकको समिक्षा समेत गर्ने अध्यक्ष तामाङले जानकारी दिनुभयो ।