रामेछाप । रामेछापबाट काठमाडौं आउँदै गरेको बस आज बिहान रामेछापको लिखु तामाकोशीमा दुर्घटनामा परेको छ ।

लिखु तामाकोशी गाउँपालिका– ६ खिम्ति केउरिनीस्थित बिर्ताडाँडा भन्ने ठाउँमा सब दुर्घटना हुँदा पाँच जना घाइते भएका जिल्ला प्रहरी कार्यालय रामेछापले जनाएको छ । ‘बसमा सवार २५ जनामध्ये पाँच जना घाइते भएको प्रारम्भिक सूचना हामीलाई आएको छ,’ जिल्ला प्रहरी कार्यालय रामेछापका सूचना अधिकारी प्रहरी निरीक्षक कौशल न्यौपानेले सुनाए, ‘दुर्घटनाको विस्तृत विवरण आउन बाँकी छ ।

’ उनले दुर्घटनामा परेको बसको नम्बर पनि खुलिनसकेको बताए । ‘घटनास्थलमा एम्बुलेन्स जाँदैछ । स्थानीय जनप्रतिनिधि र प्रहरीको टोली पनि त्यसतर्फ प्रस्थान गरेको छ,’ उनले भने ।