सिन्धुली: नेकपा एमाले बागमती प्रदेशका उपाध्यक्ष दाबा दोर्जे लामाले राष्ट्रि«य एकता कायम राख्न र मुलुकलाई विकास र सम्बृद्धिको मार्गबाट अगाडि बढाउन एमालेले आगामी दिनमा तीनै तहको निर्वाचन जित्न जरुरी रहेको बताउनु भएको छ ।
बिहिवार सिन्धुलीमा आउनुभएका उपाध्यक्ष लामाले एमालेका निर्वाचित नयाँ पदाधिकारीहरुलाई सम्वोधन गर्ने क्रममा सो कुरा बताउनु भएको हो । उहाँले आउँदो ८४ मा सिन्धुलीका नौं वटै पालिकामा एमालेलाई विजयी गराउन नयाँ नेतृत्व लाग्न निर्देशन दिनुभयो । मिसन ८४ मा सिन्धुलीका तीनै तहमा पार्टीलाई विजयी गराए मात्रै नयाँ नेतृत्वले सार्थकता पाउने बताउँदै पूर्वमन्त्रीसमेत रहनु भएका लामाले आन्तरिक एकतालाई सुदृढ बनाएर बलियो र एकतावद्ध पार्टी निर्माण गरेर अगाडि बढ्न जिल्ला नेतृत्वलाई सुझाब दिनुभयो ।
अहिले स्थानीय तहका लागि योजना निर्माण गर्ने बेला भएकाले पार्टी नेतृत्वका विकास निर्माणका एजेण्डाहरु छनोट गरेर लैजान पनि सुझाउनुभयो । सो अबसरमा एमालेका बागमती प्रदेश कमिटी सदस्य प्रदीप कटुवाल, प्रल्हाद पोखरेल, जिल्ला अध्यक्ष महेन्द्रदेव श्रेष्ठ, उपाध्यक्ष कर्ण घिसिङ, सचिव नवराज थिङ र उपसचिव दिपेश बराल हुनुहुन्थ्यो ।