काठमाडौं । झापामा आठ महिने शिशुको हत्या गरेको आरोपमा एकजना पक्राउ परेका छन् ।
पक्राउ पर्नेमा दमक नगरपालिका–३, बेलडाँगी बस्ने ५० वर्षीय पञ्चवीर घिसिङ रहेका छन् । उनलाई हिजो बेलुकी प्रहरीले पक्राउ गरेको हो ।
उनकै घरमा आश्रय लिएर बसेकी २५ वर्षीया महिलाको छोरा एरित ओलीलाई घिसिङले पछारेका थिए । त्यसपछि तत्काल बेहोस भएका ती बालकको दमक अस्पताल हुँदै किओच बाल अस्पताल दमकमा उपचारको क्रममा मृत्यु भएको प्रहरीले जनाएको छ ।
शिशुको आमालाई समेत आवश्यक अनुसन्धान तथा सोधपुछका लागि नियन्त्रणमा लिइएको छ । घटनाका सम्बन्धमा प्रहरीले अनुसन्धान गरिरहेको छ ।
प्रतिक्रिया