काठमाण्डौ । मिस युनिभर्स नेपालका लागि आउँदो अप्रिलबाट आवेदन खुला हुने भएको छ । ग्लोबल ग्ल्यामर भेन्चरले पत्रकार सम्मेलन गर्दै आउँदो अप्रिलबाट मिस युनिभर्स नेपाल २०२४ का लागि आवेदन खुल्ने बताएको हो ।

युनिभर्स वुमन २०२३ विजेता भ्यालेन्टिना सान्चेज ट्रिभेलाले कार्यक्रममा प्रतियोगीहरुलाई विश्वव्यापी प्रतियोगितामा आवश्यक पर्ने कुराको बारेमा जानकारी तथा आफ्ना अनुभव बाँड्नु भएको थियो ।

कार्यक्रममा अन्तर्राष्ट्रिय प्रशिक्षक अलेक्ज्याण्डर गोन्जालेजले मिस युनिभर्स नेपाल २०२४ का बारेमा आफ्नो दृष्टिकोण राख्नु भएको थियो ।

मिस युनिभर्स नेपाल २०२४ को विजेतालाई मिस युनिभर्स २०२४ को लागि मेक्सिकोमा आगामी नोभेम्बरमा ९० देशका सुन्दरीहरुसँग प्रतिस्पर्धा गर्ने अवसर हुनेछ ।