पलाञ्चोक । वडा दशैँ नजिकिएसंगै काभ्रेको पाँचखाल नगरपालिका वडा नं ९ मा रहेको पवित्र धार्मिक स्थल पलाञ्चोक भगवती मन्दिर परिसरमा सरसफाई गरिएको छ ।

वडाअध्यक्ष रामकाजी श्रेष्ठ नेतसत्वमा दशैँको तयारी स्वरुप पलाञ्चोक भगवती मन्दिर परिसरमा सरसफाई गरिएको हो । दशैंको घटस्थापनादखि फुलपाती, महाअष्टमी र महानवमीका दिन मन्दिरमा भक्तजनहरुको भिड हुने भएकाले मन्दिर परिसर सरसफाई गरेको वडा अध्यक्ष श्रेष्ठले बताउनु भयो । अध्यक्ष श्रेष्ठका अनुसार मन्दिरको सरसफाईको आयोजना कालिका युवा क्लवले गरेको थियो भने वडा कार्यालयले समन्वय र सहयोग गरेको थियो ।

पलाञ्चोक मन्दिर परिसरसंगै कालिका देवि मन्दिर परिसर र देउता घर (देवक्षे) वरपर सरसफाई गरिएको छ । सरसफाई कार्यक्रममा इलाका प्रहरी कार्यालय पलाञ्चोक, स्थानीय बासिन्दा र वडा कार्यालयको सहभागिता रहेको थियो ।