सुर्खेत । नेकपा एमाले कर्णाली प्रदेश किमटीको पहिलो अधिवेशनमा अध्यक्षका लागि पाँच जनाले उम्मेदवारी मनोनयन गरेका छन ।
सहमतिमा नेतृत्व चयनका लागि गरिएका प्रयास असफल भएपछि निर्वाचन कार्यक्रम सुरु भएसँगै पाँच जनाले अध्यक्षमा उम्मेदवारी दर्ता गरेका हुन ।

निर्वाचन अधिकृत अधिवक्ता रामबाबु विसीले दिनुभएको जानकारीअनुसार अध्यक्षका लागि पोलिटब्यूरो सदस्य गुलाबजंग शाहसहित मीनबहादुर शाही, राजबहादुर शाही, प्रेमबहादुर सिंह र प्रकाश रोकायले अध्यक्षमा उम्मेदवारी दर्ता गराउनु भएको छ ।

शाह सल्यान, राजबहादुर दैलेख र अन्य तीन जना कालिकोट निवासी हुनुहुन्छ । निर्वाचन समितिका अनुसार मतदान भोलि हुनेछ । पाँच पदाधिकारी र १ सय ३० सदस्य गरी जम्मा १३५ सदस्यीय कमिटी चयन हुनेछ ।