काठमाडौ ३१ बैशाख : मानव जीवन भनेको प्राणीहरुमा सर्वश्रेष्ठ प्राणी हो । मानवको रुपमा जन्मिएपछि धेरै कुरामा ख्याल गर्नुपर्छ । हाँसीखुसी बाँच्नु नै हाम्रो जीवनको कला हो । यसका लागि हामीले धेरै कुरामा ध्यान दिनुपर्छ ।
अहिले कोरोनाको कारण सबैको जीवनमा भय र त्रास छाएको छ । यो भय र त्रासले विद्यमान समस्यालाई झनै जटिल बनाउँछ । त्यसैले यो कोरोना संक्रमणसँग लड्न यी पौष्टिक खानपानलाई छनौट गरी नियमति रुपमा सन्तुलित भोजन गर्न सके कोरोना संक्रमणबाट जोगिन ठुलै राहत मिल्नेछ ।
१ विभिन्न थरीका खाने कुराहरू हरेक दिन उपभोग गर्ने ।
२ फलफूल र हरिया सागसब्जी हरेक दिन पर्याप्त मात्रामा उपभोग गर्ने ।
३ दाल र गेडागुडी हरेक दिन उपभोग गर्ने ।
४ माछा, मासु वा अण्डा नियमित रूपमा उपभोग गर्ने ।
५ दूध र दूधजन्य खाने कुराहरू हरेक दिन उपभोग गर्ने ।
६ खाना पकाउँदा तेल वा घिउ थोरै मात्रामा प्रयोग गर्ने ।
७ खानपान सम्बन्धि अन्धविश्वासबाट सावधान हुने ।
८ खानामा नुनको प्रयोग कम मात्रामा उपभोग गर्ने ।
९ गुलिया र चिल्ला खानेकुरा कम मात्रामा उपभोग गर्ने ।
१० सँधै ताजा र सफा खाद्य वस्तु उपभोग गर्ने ।
११ पर्याप्त मात्रामा सफा पानी पिउने ।
१२ नियमित रूपमा शारीरिक परिश्रम गर्ने ।
१३ परम्परागत तथा स्थानीयस्तरमा पाइने पौष्टिक खाद्यवस्तु उपभोग गर्ने ।
१४ पौष्टिक तत्व कम भएका तथा बढी गुलिया, चिल्ला र नुनिला खाने कुरा कम मात्रामा उपभोग गर्ने ।
१५ मदिराजन्य पेय पदार्थ उपभोग नगर्ने ।
१६ शिशुलाई पर्याप्त मात्रामा स्तनपान गराउने ।
१७ शिशु ६ महिना पूरा भएपछि स्तनपानको साथसाथै थप खाना खुवाउने ।
१८ गर्भवती र स्तनपान गराउने आमाले थप र पोषिला खाद्य वस्तु उपभोग गर्न े।
१९ किशोरकिशोरीहरूले खानपान सम्बन्धी स्वस्थ मानी बसाल्ने ।
२० ज्येष्ठ नागरिकको खानपानमा विशेष ध्यान दिने ।
उल्लेखित भोजनहरुलाई नियमित रूपमा आफ्नो जीवनमा लागू गर्न सकेमा अन्य धेरै किसिमका रोग तथा संक्रमणबाट पनि जोगिन सकिन्छ ।
प्रतिक्रिया