काठमाडौं २१ फागुन । प्रतिबन्धित नेकपा विप्लव समूह र सरकारबीच तीन बुँदे सहमति भएको छ ।

उक्त सहमतिमा नेपाल कम्युष्ट पार्टी विप्लवले आफ्ना सम्पूर्ण राजनीतिक विषयहरुको समाधान संवादका माध्यमबाट गर्ने, आफ्ना सम्पूर्ण राजनीतिक क्रियाकलापहरु शान्तिपूर्ण रुपमा सञ्चालन गर्ने र नेपाल सरकारका तर्फबाट लगाइएको प्रतिबन्ध हटाउने, सम्पूर्ण बन्दीको रिहाइ र मुद्दा खारेजी लगायतका विषयहरु रहेका छन् ।

सहमतिको विस्तृत विवरण भने फागुन २१ गते विशेष समारोहबीच सार्वजनिक गरिने भएको छ । उक्त समारोहलाई नेपाल सरकारको तर्फबाट प्रधानमन्त्री केपी ओली र नेकपा विप्लवको तर्फबाट उक्त पार्टीका महासचिव कमरेड ‘विप्लव’ले सम्बोधन गर्ने सहमति पत्रमा उल्लेख छ ।

वार्ताका लागि सरकारले गृहमन्त्री रामबहादुर थापा बादलको संयोजकत्वमा र विप्लव समूहले पार्टी प्रवक्ता खड्गबहादुर विश्वकर्मा प्रकाण्डको नेतृत्वमा वार्ता टोली गठन गरेको थियो ।