काठमाडौँ, ९ फागुन । सरकारले भारतबाट थप १० लाख डोज कोरोना भाइरसविरुद्धको खोप ल्याएको छ । सेरम इन्टिच्यूट अफ इण्डियाबाट उत्पादित १० लाख डोज कोभिशिल्ड खोप आइतबार काठमाडौँ आइपुगेको हो । २० लाख डोज खोप खरिदको लागि सम्झौता भएकोमा पहिलो चरणमा १० लाख डोज खोप ल्याइएको स्वास्थ्य मन्त्रालयले जनाएको छ ।
उक्त खोप टेकुस्थित चिस्यान केन्द्रमा भण्डारण गरी फागुन २३ गतेदेखि सञ्चालन हुने खोप अभियानका लागि वितरण गरिने स्वास्थ्य मन्त्रालयले जानकारी दिएको छ । यसअघि गत माघ ८ गते भारत सरकारले १० लाख डोज यही खोप अनुदानमा उपलब्ध गराएको थियो ।
प्रतिक्रिया