धुलिखेल २८ पुस : काभ्रेको धुलिखेल नगरपालिका वडा नम्बर ११ फस्कोट चिसापानीमा रहेको थुछेछे छोर्ङानको नयाँ गुम्बा भवन निमार्ण हुने भएको छ । गुम्बा निमार्णका लागी सिन्धुपाल्चोकका लामा गुरु सिंगे बहादुर लामाले ४४ लाख रुपौंया आर्थिक सहयोग गर्नुभएको थुछेछे छोर्ङान गुम्बाका संस्थापक भिम बाहदुर तामाङले बताउनुभयो ।

गुम्बा निमार्णका लागी आज नगर प्रमुख अशोक कुमार व्यञ्जुले शिलान्यास गर्नुभएको हो । साथै निमार्ण स्थलामा गुरु नाम्गेल लामा,दानविर सिंह लामा लगायतका गुरुहरुबाट विधिवत रूपमा पुजापाठ गरि सालाङ भुमि पुजा० समेत गरिएको छ । गुम्बाका संस्थापक तामाङका अनुसार अब निमार्ण हुने गुम्बा ३० फिट लम्बाई र ३० फिट चौडाईको हुने छ ।

यस्तै गुम्बा प्रवेशद्धार,ध्यान केन्द्र,लामा घर,स्तुपा वरीपरी एक सय ८ ओटा म्हाने तथा तामाङ संग्राहलय समेत निमार्ण गर्ने योजना रहेको उहाँले बताउनुभयो । गुम्बा निमार्णको कामलाई पुर्णता दिन वडा तथा नगरपालिका समेत लागी परेको वडा अध्यक्ष विष्णु धितालले बताउनुभयो । उहाँका अनुसार गुम्बा निमार्णका लागी हाल नगरपालिकाले १० लाख रुपैया बिनियोजन गरेको छ ।