पनौती २७ पुस :  काभ्रेको पनौती नगरपालिकाको नगर अस्पताल निर्माणका लागि पनौती नगरपालिका वडा नं १० खोपासीमा १६ रोपनी जग्गा सम्झौता भएको छ ।

पनौती नगरपालिका वडा नं १० खोपासीमा रहेको खोपासी प्राथामिक स्वास्थ्य केन्द्रलाई नगर अस्पतालको रुपमा निर्माण गर्न खोपासी सहकारी संस्था लि.ले आफ्नो १६ रोपनी जग्गा सहुलियत दरमा उपलब्ध गराएको हो ।

अस्पतालार्ई जग्गा उपलब्ध गारउने सम्झौता पत्रमा नगरपालिकाका प्रमुख भीम न्यौपाने र खोपासी सहकारी संस्था लि .का अध्यक्ष केदारबहादुर भण्डारीले हस्ताक्षर गर्नुभएको नगरपालिकाका स्वास्थ्य शाखा प्रमूख पुरुषोतम तिमल्सिनाले बताउनुभयो । नगर अस्पतालका लागि जग्गा पाएसँगै पनौती नगरबासी खुशी भएका छन् ।

सोमबार उपलब्ध भएको जग्गामा २५ शैयाको नगर अस्पताल बनाउने तयारी भैरहेको नगरपालिकाका प्रमुख भीम न्यौपानेले बताउनु भयो ।