धुलिखेल १३ पुस :  काभ्रेमा पछिल्लो २४ घण्टामा १८ जना कोरोना संक्रमित थपिएका छन् ।

जिल्ला स्वास्थ्य कार्यालय काभ्रेका अनुसार योसँगै काभ्रेमा कोरोना संक्रमितको कुल संख्या ३ हजार २ सय ५२ पुगेको छ । जिल्लामा हाल १ सय २० जना संक्रिय संक्रमित रहेका छन् । पछिल्लो २४ घण्टामा भने ८ जना संक्रमणमुक्त भएका छन । जिल्लामा कोरोना संक्रमणमुक्त हुनेको संख्या ३ हजार ८८ पुगेको छ । संक्रमणमुक्त हुनेहरुमा पुरुष १ हजार ८ सय ५७ रहेका छन् भने महिला १ हजार २ सय ३१ रहेको छन् ।

काभ्रेमा हाल ४४ जना कोरोना संक्रमितको मृत्यु भएको भैसकेको छ । हाल जिल्लामा १ सय १५ जना होम आइसोलेसनमा रहेका छन् भने ५ जना अस्पतालको आइसोलेसनमा उपचार गरिरहेको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले बताउनुभयो ।