काठमाडौं, ५–पुस । प्रधानमन्त्री ओली संसद विघटनको लागि राष्ट्रपति कार्यालय जानुअघि नै अविश्वास प्रस्ताव दर्ता भएको थियो । आफूविरुद्ध संसद सचिवालयमा अविश्वासको प्रस्ताव दर्ता भएपछि संसदमा आफू अल्पमतमा पर्ने स्पष्ट भएकाले अविश्वासको प्रस्तावलाई तुहाउन संसद विघटनको गम्भीर र जोखिम निर्णय लिन पुगेका छन् ।

प्रधानमन्त्री केपी शर्मा ओलीले आइतबार बिहान मन्त्रिपरिषद्को आकस्मिक बैठक बोलाएर मध्यावधि निर्वाचनमा जाने प्रस्ताव राखेका थिए । तर चारजना मन्त्रीले त्यसको विरोध गरेपछि उनी ‘ल ठीक छ’ मैले तपाईंहरुको कुरो सुनें भन्दै बैठक स्थलबाट बाहिरिएका थिए ।

त्यसअघि सत्तारुढ नेपाल कम्युनिस्ट पार्टी (नेकपा) का ८९ जना सांसदले संसद सचिवालयमा प्रधानमन्त्रीविरुद्ध अविश्वासको प्रस्ताव दर्ता गरेका थिए ।