काभ्रे : काभ्रेमा आज कोरोना भाइरसका ३२ जना संक्रमित डिस्चार्ज भएका छन् । योसँगै जिल्लामा डिस्चार्ज हुनेको संख्या २ हजार ८ सय ४२ पुगेको स्वास्थ्य कार्यालय काभ्रेले जनाएको छ । यसैगरी जिल्लामा आज १३ जना नयाँ संक्रमित थपिएका छन् ।

थपिएका मध्ये बनेपाका ३ जना महिला र ३ पुरुष रहेका छन् । यसैगरी धुलिखेल नगरपालिकाका १ जना महिला र १ पुरुष, पनौतीका १ जना महिला र ३ पुरुष र पाँचखालका १ पुरुष रहेका छन् । योसँगै जिल्लामा संक्रिमित हुनेको संख्या ३ हजार ८६ पुगेको छ ।

अझै जिल्लामा २ सय ५ जना सक्रिय संक्रमित रहेका छन् । जिल्लामा हाल कोरोना भाइरसको कारण ३९ जनाको ज्यान गइसकेको छ । आल जिल्लमा रहेको २ वटा अस्पताल आइसोलेसनमा ९ जना छन् भने होम आइसोलेसनमा १ सय ९६ जना रहेका स्वास्थ्य कार्यालय काभ्रेका प्रमुख डाक्टर नरेन्द्र कुमार झाले बताउनुभयो ।