धुलिखेल १८ मंसिर : काभ्रेमा कोरोना संक्रमित ४३ जना निको भएर घर फर्किएका छन्  ।  यो संगै संक्रमित मध्ये हाल सम्म २ हजार ६ सय ७६ जना निको भएर घर फर्किसकेको स्वास्थ्य कार्यालय काभ्रेले जनाएको छ । काभ्रेमा २४ घण्टामा थप २४ जना कोरोना संक्रमित पुष्टी भएको छ।

बिहिबार थपिएका संक्रमितहरु बनेपाबाट ४ पुरुष र ४ महिला, धुलिखेलबाट २ महिला ५ पुरुष, पनौतीबाट २ महिला र १ पुरुष, पाँचखालबाट १ पुरुष, भुम्लु बाट ३ पुरुष, नमोबुद्धबाट १ पुरुष, तेमाल गाँउपालिकाबाट १ पुरुष हरेका छन् । हालसम्म जिल्लामा संक्रमितको संख्या २ हजार ९ सय ८० पुगेको छ भने २ सय ६७ जना सक्रिय संक्रमित छन् ।

उनीहरु मध्ये ८ जना अस्पताल आइसोलेसनमा र २ सय ५९ जना होम आइसोलेसनमा रहेको कार्यालयका प्रमुख डाक्टर नरेन्द्रकुमार झाले जानकारी दिनुभयो । भाईरसको संक्रमण बाट जिल्लाका १० महिला र २७ पुरुष गरि ३७ जनाको गुमाईसकेका छन्  ।