धुलिखेल, २२ कात्तिकः काभ्रेको मण्डनदेउपुर नगरपालिका वडा नम्बर १० का कोरोना भाइरसको उच्च जोखिममा रहेका ब्यक्तिलाई पौष्टिक आहार वितरण गरिएको छ । कारितास नेपालको सहयोग र शान्ति जनआदर्श सेवा केन्द्र धुलिखेलको समन्वय कोरोना भाइरसबाट धेरै प्रभावित हुन सक्ने ब्यक्तिहरुलाई पौष्टिक आहार वितरण गरिएको हो ।

वडाभित्रका ३४ जना गर्भवती महिलालाई अण्डा, गेडागुडि, दाल तथा भिटामिन औषधि खरिदका लागि जनही १ हजार ७ सय १० रुपैँयाका दरले नगद सहयोग प्रदान गरेको वडाध्यक्ष विश्वमणी नेपालले जानकारी दिनुभयो । त्यस्तै १ बर्ष भन्दा कम उमेर समूहका बच्चा भएका ५४ जना आमालाई पनि अण्डा, गेडागुडी र दाल प्रदान गरिएको छ ।

वडाका १० जना महिला स्वास्थ्य स्वयम सेविकालाई पनि १ हजार ८ सयका दरले रकम वितरण गरिएको छ । हरेक घर घरमा स्वास्थ्य सुरक्षाको सन्देश पुर्याउन सहयोग पुर्याए बापत थप हौसलाका लागि महिला स्वास्थ्य स्वयम सेविकाहरुलाई रकम प्रदान गरिएको वडाध्यक्ष नेपालले बताउनुभयो ।