धुलिखेल, १३ कात्तिकः जिल्ला मालपोत कार्यालय काभ्रेले नगरपालिकाका सेवाग्राहीका लागि बार तोकेको छ । कार्यालयले एक सूचना जारी गर्दै नगरपालिकाका सेवाग्राहीलाई बारे तोकेको हो ।
कार्यालय बिहीबार देखि सुचारु भएको छ । कार्यालयका अनुसार धुलिखेल, पाँचखाल र पनौती नगरपालिकाका स्थानीयले आइतबार, मंगलबार र बिहीबार मात्रै सेवा लिन पाउने छन् । त्यस्तै बनेपा, मण्डनदेउपुर र नमोबुद्ध नगरपालिकाका सर्वसाधरणलाई सोमबार, बुधबार र शुक्रबार सेवाका लागि बार तोकिएको छ । जिल्लामा ६ वटा नगरपालिका रहेका छन् ।
जिल्लाका सातवटा गाउँपालिका छन् । गाउँपालिकाका सर्वसाधरणले भने सधै सेवा लिन पाउने छन् ।
प्रतिक्रिया