धुलिखेल, १३ कात्तिकः धुलिखेल नगरपालिकाका २ जना कोरोना संक्रमितको निधन भएको छ । स्वास्थ्य कार्यालय काभ्रेका अनुसार आज धुलिखेलका ७० बर्षीय महिला र ५५ बर्षीय पुरुषको निधन भएको हो । यो सँगै जिल्लामा कोरोना भाइरसका कारण मृत्यु हुनेको संख्या १९ पुगेको छ ।

काभ्रेमा आज २९ जनामा कोरोना भाइरस पुष्टि भएको छ । बनेपाका ११ पुरुष र ३ महिला, पनौती नगरपािलकाका ३ पुरुष र २ महिलामा कोरोना संक्रमण देखिएको छ । त्यस्तै नमोबुद्ध नगरपालिकाका ४ जना पुरुष र २ जना महिला, धुलिखेल नगरपालिकाका २ जना पुरुष र १ जना महिला तथा पाँचखाल नगरपालिकाका १ महिलामा कोरोना संक्रमण पुष्टि भएको हो । योसँगै काभ्रेमा कोरोना भाइरसबाट संक्रमण हुनेको संख्या १५६२ पुगेको छ ।

आजै जिल्लाका २० जना संक्रमित कोरोना भाइरस जितेर घर फर्किएका छन् । योसँग निको हुनेको संख्या १०९८ रहेको छ । जिल्लामा संक्रिय संक्रमितको संख्या ४४५ छ । अस्पतालको आइसोलेसनमा ९२ जना छन् भने होम आइसोलेसनमा ३५३ जना रहेको स्वास्थ्य कार्यालय काभ्रेले जनाएको छ ।