धुलिखेल, ५ कार्तिकः धुलिखेल अस्पतालले कोरोना संक्रमितको उपचारका विषयलाई लिएर भ्रम छरिएको दाबी गरेको छ । अस्पताल प्रशासनले आज एक विज्ञप्ति जारी गर्दै कात्र्तिक ३ गतेको सूचनालाई लिएर सामाजिक सञ्जालमा भ्रम छरेको दाबी गरेको हो ।

अस्पतालले जारी गरेको विज्ञप्तिको ४ औँ नम्बरमा अन्य विरामीको उपचारका लागि समेत केहि रकम धरौटी राख्नु पर्ने प्रावधान रहेको र धरौटी राख्न नसकेको कारण कुनै पनि बिरामी उपचारबाट बञ्चिन हुन नपरेको दाबी गरिएको छ । अस्पतालले धरौटी रकमलाई नै कोरोना संक्रमितको उपचार खर्चको रुपमा सामाजिक सञ्जालमा ब्याख्या गरेको प्रति ध्यानाकर्षण भएको जनाएको छ ।

अस्पतालले हालसम्म सामान्य लक्षण देखिएका २७४ जना, जटिल लक्षण भएकालाई आसियूमा राखेर २७ जनाको निःशुल्क उपचार गरेको जनाएको छ । अस्पतालमा कोरोना संक्रमित बिरामीहरुको उपचारका लागि छुट्टै भवनमा १५ वेडको आइसियू सहित एक सय बेडको रहेको छ ।

अस्पतालले कात्र्तिक ३ गते जारी गरेको सूचनामा सामान्य लक्षण भएकालाई ५० हजार, मध्य जटिल भएकाले १ लाख र जटिल बिरामी भए २ लाख धरौटी राख्नु पर्ने उल्लेख गरेको थियो ।