काठमाडौँ, १९ साउन देशभर गत २४ घण्टामा थप ४ सय १८ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा डा जागेश्वर गौतमले पछिल्ला २४ घण्टामा गरिएको ७ हजार ६ सय ३७ जनाको पीसीआर परीक्षणमा ४ सय १८ जनामा संक्रमण देखिएको बताएका छन् ।
प्रवक्ता गौतमका अनुसार कुल संक्रमितको संख्या २० हजार ७ सय ५० जना पुगेको छ । त्यस्तै, पछिल्लो २४ घण्टामा थप ३ सय ५८ जना कोरोनामुक्त भएका छन् । योसहित हालसम्म निको हुनेको संख्या १४ हजार ९ सय ६१ जना पुगेको छ । अहिलेसम्म कोरोनाका कारण ज्यान गुमाउनेको संख्या ५७ जना पुगेको छ ।
प्रतिक्रिया