धुलिखेल, २० असारः सिन्धुपाल्चोक जिल्लाका केही औषधि पसलले लकडाउनको फाइदा उठाउँदै औषधीमा बिरामीलाई ठगिरहेको पाइएको छ । जिल्ला जनस्वास्थ्य कार्यालय र बाह्रबिसे नगरपालिका स्वास्थ्य शाखाको समन्वयमा बाह्रबिसे नगरपालिकाको बजार क्षेत्रका औषधि पसलमा गरिएको अनुगमनका क्रममा वास्तविक मूल्य भन्दा वढी मूल्यमा औषधि विक्री भइरहेको पाइएको प्रमुख निमफुञ्जो शेर्पाले बताउनुभयो ।

उहाँका अनुसार सेतीदेवी मेडिकल राम्चेले बढी मूल्यमा औषधि बिक्री गरेको पाइएको हो । औषधि पसलले ६० रुपैँया पर्ने औषधिलाई दुई हजार ४ सयसम्म लिएको पाइएको छ । औषधि बिक्रीवितरण गर्दा बिल नदिएको पाइएको नगरप्रमुख शेर्पाले बताउनुभयो ।

यसैगरी राम्चेमा रहेको कँुवेर मेडिकल दर्ता गरे पनि सम्बन्धित व्यक्तिले सञ्चालन नगरी अर्कैले सञ्चालन गरेको पाइएको र सदीक्षा फार्मेसीको बिरामी जाँच्ने आधिकारिक व्यक्ति नभएको पाइएको नगरपालिकाको स्वास्थ्य शाखाले बताएको छ ।