धुलिखेल, १७ असारः काभ्रे जिल्लाका स्थानीय तहहरुमा अहिले चालु आर्थिक वर्षका विकास निर्माणको काम अन्तिम अन्तिम चरणमा पुगेको छ । कोरोना महामारीका कारण लक्ष्य अनुसार सबै स्थानीय तहले निर्धारण गरेका काम भने सक्ने अवस्था देखिदैँन ।

रोशी गाउँपालिकामा चालु आर्थिक वर्ष २०७६÷७७ का लागि निर्धारण गरिएका मध्य ८० प्रतिशत योजना सम्पन्न भइसकेका छन् । २० प्रतिशत योजना भने सम्पन्न हुने प्रक्रियामा नै रहेको प्रमुख प्रशासकिय अधिकृत डम्बरु दाहालले जानकारी दिए ।

यसैगरी पनौती नगरपालिकाले ७५ प्रतिशत योजना सम्पन्न गरिसकेको छ । यसमा पुर्वाधारका कामहरु धेरै भएका छन् । चालु आर्थिक बर्षका लागि छुट्याइएको बजेट र योजना सतप्रतिशत सक्काउने योजना रहेको बरिष्ठ प्रशासकिय अधिकृत इन्द्र प्रसाद अधिकारिले बताए ।

धुलिखेल नगरपालिकामा ७२ प्रतिशत योजनाको भुक्तानी भैसकेकोे छ । पालिकाले ८५ प्रतिशत योजना सम्पन्न गर्ने लक्ष्य लिएको थियो । लक्षित वर्गका कार्यक्रम भने सीमित मात्रमा भएको पालिकाका प्रशासकिय अधिकृत तारानाथ लुइटेलले बताए । उनका अनुसार पुर्वाधारको काम भने उत्साहजन रुपमा सम्पन्न भएका छन् ।